Farg‘ona viloyati Marg‘ilon shahrida sodir bo‘lgan yo‘l-transport hodisasi yuzasidan jinoyat ishi qo‘zg‘atildi, deb xabar bermoqda viloyat IIB.
Ma’lum qilinishicha, holat joriy yil 13-may kuni Marg‘ilon shahar B.Marg‘iloniy ko‘chasida sodir bo‘lgan. 1993-yilda tug‘ilgan fuqaro S.M. Damas boshqarib ketayotib, qarama-qarshi yo‘nalishdan kelayotgan avtomobilni o‘tkazib yubormasdan chorrahadan qayrilib yuborgan.
Oqibatda ro‘paradan kelayotgan Onix bilan to‘qnashgan. To‘qnashuvdan so‘ng Onix yo‘nalishni o‘zgartirib, yo‘l chetida to‘xtab turgan Damas bilan to‘qnashgan va yo‘l chetida turgan 1995-yilda tug‘ilgan piyodani urib yuborgan.
Yo‘l-transport hodisasi natijasida tan jarohati olgan fuqarolarga tibbiy yordam ko‘rsatish maqsadida shifoxonaga yuborilgan.
Mazkur holat yuzasidan S.M.ga nisbatan Jinoyat kodeksining 266-moddasi bilan jinoyat ishi qo‘zg‘atilib, tergov harakatlari olib borilmoqda.
YTHlar statistikasi
O‘zbekistonda 2025-yilning dastlabki uch oyida YTH sodir etishi oqibatida 891 nafar shaxs sudlandi.
2024-yil davomida Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) bilan 3 321 nafar shaxs sudlangan. Ularning 917 nafariga ozodlikdan mahrum qilish jazosi, 2 404 nafariga esa ozodlikdan mahrum qilish bilan bog‘liq bo‘lmagan jazolar tayinlangan.
2025-yilning I choragi mobaynida ushbu modda bilan 891 nafar shaxs sudlanib, ularning 173 nafariga ozodlikdan mahrum qilish jazosi tayinlangan.
Shuningdek, 718 nafar fuqaroga ozodlikdan mahrum qilish bilan bog‘liq bo‘lmagan jazolar tayinlandi.
Aprel oyidagi YTHlar
- Samarqandda avtobus va yuk mashinasi ishtirokida YTH sodir bo‘ldi.
- Farg‘onadagi avtohalokatda Damas ikkiga bo‘linib ketdi (video).
- Namanganda ijaraga mashina olgan maktab o‘quvchilari avariyaga uchradi.
- Toshkentda L7 urib yuborgan Cobalt ariqqa tushib ketdi (video)
- Toshkentda Hyundai bilan to‘qnashgan motosikl haydovchisi halok bo‘ldi (video)
- Jizzaxda Tracker yuqori tezlikda kelib, do‘konga urildi (video)
Izoh (0)