Yengil vazn toifasida sobiq UFC chempioni, braziliyalik Charlz Oliveyra UFC 317 turnirida ispaniyalik Iliya Topuriyaga qarshi jangda nokaut evaziga mag‘lub bo‘lganini eslab, bu haqda ochiq fikr bildirdi.
Men jangga tayyorgarlik jarayonida ko‘plab harakatlar, turli zarbalar va kombinatsiyalar ustida ishladim. Ammo jang boshlangach, shunchaki o‘zimni ko‘rsatishga harakat qildim. Qo‘llarimga, nokaut evaziga g‘alaba qozonishimga haddan ortiq ishonib yubordim, — deydi Oliveyra Bloody Elbow nashriga bergan intervyusida.
Uning ta’kidlashicha, jang davomida yaxshi vaziyatlarni kutib, zarba berishga shoshilmagan. Bu esa raqibga ustunlik bergan.
Men o‘z imkoniyatlarimni kutdim, lekin Iliya mendan ancha tezroq bo‘lib chiqdi. Uning jang uchun tuzgan rejasi menikidan yaxshiroq edi. U hurmatga loyiq inson, — deya qo‘shimcha qildi braziliyalik jangchi.
Eslatib o‘tamiz, 2025-yil iyun oyi oxirida bo‘lib o‘tgan jangda Iliya Topuriya Charlz Oliveyrani mag‘lubiyatga uchratib, UFC yengil vazn toifasining yangi chempioniga aylandi va promoushen tarixida ikki vazn toifasida chempionlik kamarini qo‘lga kiritgan o‘ninchi sportchiga aylandi.
Izoh (0)