Avvalroq futbol bo‘yicha “Andijon” klubi bosh murabbiyi Aleksandr Xomyakov iste‘foga chiqarilgandi. 13-may kuni klub matbuot xizmati jamoaga yangi bosh murabbiy tayinlanganini eʼlon qildi.
Maʼlum qilinishicha, o‘zbek futboli afsonalaridan biri Maksim Shatskix endilikda jamoani boshqaradi.
Maksim Shatskix 1978-yilning 30-avgust kuni Toshkentda tavallud topgan. Mutaxassis bundan avval “Paxtakor” klubi bosh murabbiy sifatida faoliyat olib borgan..
Shu kunga qadar esa u “Paxtakor” klubi raisi maslahatchisi sifatida ishlab kelgan.
Pro lisenziyasiga ega bo‘lgan Shatskix 14-maydan “Andijon” jamoasini qabul qilib oladi va uning jamoa bosh murabbiyi sifatidagi debyut uchrashuvi 17-may kuni safarda “Sho‘rtan”ga qarshi uchrashuvga to‘g‘ri keladi.
Izoh (0)