“Paxtakor” klubi prezidenti maslahatchisi Maksim Shatskix Qozog‘istonning “Sports24.kz” nashriga bergan intervyusida O‘zbekiston terma jamoasining 2026-yilgi Jahon chempionatiga chiqish imkoniyatlari haqida fikr bildirdi.
O‘zbekiston terma jamoasi iyun oyida saralashning so‘nggi ikki bahsini o‘tkazadi. Ular dastlab BAA bilan safarda o‘ynasa, 10-iyun kuni Qatarni Toshkentda qabul qiladi.
Ko‘p gapirishga hojat yo‘q — JCh-2026 yo‘llanmasini qo‘lga kiritishga juda yaqinmiz. Yarim qadam qoldi deyish mumkin, lekin oldinda eng og‘ir, eng murakkab o‘tadigan bahslar turibdi. Ishonamanki, biz buni uddalay olamiz. Bo‘lajak o‘yinlarda muammo bo‘lmasligiga umid qilaman. Agar BAAga qarshi durang natija qayd etilsa, biz Jahon chempionatiga chiqamiz, dedi Shatskix.
Ma’lumot uchun, A guruhida Eron 20 ochko to‘plagan holda muddatidan oldin mundial masalasini hal qildi. O‘zbekiston terma jamoasi 17 ochko bilan 2-o‘rinni egallab turibdi. Ularning asosiy raqobatchisi BAA hisobida 13 ochko mavjud va ular 3-pog‘onadan joy olgan.
Izoh (0)