Superliga. “Paxtakor” “Olimpik” ustidan ishonchli g‘alabani qo‘lga kiritdi, “Nasaf” esa Andijonda g‘alaba qozona olmadi

Futbol bo‘yicha O‘zbekiston Superligasining 14-turidan o‘rin olgan ikki o‘yin 28-iyul, juma kuni bo‘lib o‘tdi.

“Olimpik” o‘zida “Paxtakor”ni qabul qildi. Uchrashuvning 3-daqiqasidayoq “sherlar” hisobni ochdi. Diyor Xolmatov o‘z hisobiga gol yozdirib qo‘ydi. 54-daqiqada Dragan Cheran “Paxtakor”ning ikkinchi golini urdi. Qolgan daqiqalarda gol urilmadi va Maksim Shatskix jamoasi g‘alaba qozondi.

Qayd etib o‘tish joiz, “Paxtakor” 33-daqiqadan boshlab, bir kishi kam bo‘lib harakat qildi. Muhammadqodir Hamraliyev qizil kartochka olib, maydonni tark etdi. 

“Sherlar” ushbu g‘alabadan so‘ng, ochkolari sonini 31 taga yetkazib, birinchi o‘ringa ko‘tarilib oldi. “Olimpik” esa 16 ochko bilan 9-pog‘onani band etdi.

“Nasaf” esa safarda “Andijon“ mehmoni bo‘ldi. Uchrashuvda darvozalar ishg‘ol etilmadi va jamoalar bir ochkodan jamg‘ardi. 61-daqiqada andijonliklar a’zosi Sardorbek Azimov qizil kartochka olib, maydonni tark etdi. 

Qarshiliklar 25 ochko bilan 4-o‘rindan joy oldi. “Andijon” 20 ochko bilan 6-o‘rinda bormoqda. 

Superliga

14-tur bahslari

28-iyul, juma

“Olimpik” – “Paxtakor” 0:2

Gollar: 0:1 — 3 Diyor Xolmatov, 0:2 — 54 Dragan Cheran.

“Olimpik”: 13. Hamidullo Abdunabiyev, 2. Saidazamat Mirsaidov, 4. Odilbek Abdumajidov (44. Asadbek Rahimjonov, 63), 5. Javohir Otamurodov, 7. Ibrahim Ibragimov, 9.Shahzod Akramov (10. Farruhbek Muxtorov, 63), 17. Temur Mamasidiqov (77. Sherzod Esanov, 75), 21. Saidafzalxon Axrorov, 23. Abdurauf Bo‘riyev, 30. Jasurbek Jaloliddinov, 37. Alisher Odilov.

“Paxtakor”: 35. Sanjar Quvvatov, 3. Hojiakbar Alijonov, 5. Muhammadqodir Hamraliyev, 7. Odil Hamrobekov, 8. Aziz Turg‘unboyev (77. Dilshod Saitov, 65), 10. Dragan Cheran, 19. Pshzemislav Banashak (17. Doston Hamdamov, 46), 27. Sardor Sobirxo‘jayev, 28. Diyor Xolmatov, 34. Farrux Sayfiyev, 88. Shahzod Azmiddinov.

Ogohlantirishlar: Muhammadqodir Hamraliyev (29), Odil Hamrobekov (29), Saidazamat Mirsaidov (72).

Chetlatish: Muhammadqodir Hamraliyev (33).

“Andijon” – “Nasaf” 0:0

“Andijon”: 72. Igor Litovka, 5. Abdulvohid G‘ulomov, 8. Farhodbek Bekmuratov, 10. Ilhomjon Abdug‘aniyev (14. Abdurahmon Komilov 64), 11. Sardor Abdunabiyev, 13. Sardor Azimov, 21. Ildar Mamatkazin, 26. Muhammadkarim Toirov, 28. Islombek Mamatkazin, 66. Ilhomjon Alijonov, 99. Rubin Hebay.

“Nasaf”: 1. Umidjon Ergashev, 2. Alibek Davronov, 5. G‘olib G‘aybullayev, 7. Akmal Mozgovoy (88. Marko Stanoevich 82), 19. Lima Kruz, 28. Shuhrat Muhammadiyev (10. Andres Chaves 73), 34. Sherzod Nasrullayev, 70. Jaba Jigauri, 77. Oybek Bozorov (8. Zafarmurod Abdirahmatov 73), 92. Umar Eshmurodov, 99. Azizbek Amonov (18. Bahrom Abdurahimov 73).

Ogohlantirish: Jaba Jigauri (78).

Chetlatishlar: Sardor Azimov (61), Jaba Jigauri (87).