Аввалроқ футбол бўйича “Андижон” клуби бош мураббийи Александр Хомяков истеъфога чиқарилганди. 13 май куни клуб матбуот хизмати жамоага янги бош мураббий тайинланганини эълон қилди.
Маълум қилинишича, ўзбек футболи афсоналаридан бири Максим Шацких эндиликда жамоани бошқаради.
Максим Шацких 1978 йилнинг 30 август куни Тошкентда таваллуд топган. Мутахассис бундан аввал “Пахтакор” клуби бош мураббий сифатида фаолият олиб борган..
Шу кунга қадар эса у “Пахтакор” клуби раиси маслаҳатчиси сифатида ишлаб келган.
Про лисензиясига эга бўлган Шацких 14 майдан “Андижон” жамоасини қабул қилиб олади ва унинг жамоа бош мураббийи сифатидаги дебют учрашуви 17 май куни сафарда “Шўртан”га қарши учрашувга тўғри келади.
Изоҳ (0)