Agar siz “Qizaloq va maymoq” multfilmida faqat bitta ayiq bor deb o‘ylagan bo‘lsangiz, adashasiz. Aslida, bu sevimli animatsion serialda bir emas, bir nechta ayiq obrazlari ishtirok etgan, ularning har biri o‘ziga xos fe’l-atvor, tarixi va sarguzashtlari bilan ajralib turadi. Ushbu maqolada multfilmda ishtirok etgan barcha ayiqlar bilan yaqindan tanishamiz.
Ayiq — Bosh qahramon
Barcha uchun sevimli, Mashaga doim mehribon va sabrli o‘sha Ayiq. U jajji qizning barcha qiliqlariga bardosh beradi. Ilgari u sirkda ishlagan, hozir esa nafaqadagi tinchgina hayotdan zavqlanmoqda. Uning uyi — qulaylik, xarakteri esa sabr timsoli. Ba’zida Ayiqning ham jahli chiqadi, norozi bo‘ladi yoki charchaydi, lekin har doim Mashaga g‘amxo‘rlik qilishdan to‘xtamaydi.
Ayiq xonim — Ayiqning muhabbati
Ayiq xonim multfilmning “Bahor keldi!” nomli qismda birinchi marta paydo bo‘ladi. U nafis, nazokatli va Ayiqning e’tiboriga unchalik ham javob qaytarmaydi.
Himolay ayig‘i — Ayiqning raqobatchisi
U gavdali, kuchli, mushaklarini namoyish qilishdan uyalmaydigan va o‘ziga doim oro beradigan ayiq. U ham Ayiq xonimning ko‘nglini olishga harakat qiladi. Himolay ayig‘i bosh qahramonning asosiy raqibi sifatida ko‘rsatilgan.
Mitti Panda — Xitoylik uzoq qarindosh
Panda “Uzoq qarindosh” nomli qismda paydo bo‘ladi. U uzoq o‘lkalardan Ayiqnikiga mehmon bo‘lib keladi. Panda — energiya, ayyorlik va bolalarcha beg‘ubor sho‘xlik timsoli. U Masha bilan tezda til topishadi.
G‘or ayig‘i
Bu obraz 48-qismda paydo bo‘ladi, unda Ayiq va Masha vaqt mashinasi yordamida o‘tmishga sayohat qiladi. Ular o‘tmishdagi ajdodi bilan uchrashadi, u ham sho‘x bir qizaloq bilan do‘st tutingani aniqlanadi.
Ko‘zoynakli ayiq Rozita
Rozita ismli ayiq multfilmda bir necha marta paydo bo‘ladi. U yorqin tashqi ko‘rinishi va quvnoq fe’l-atvori bilan ajralib turadi. Rozita ilgari Ayiq bilan sirkda ishlagan bo‘ladi.
Izoh (0)