Rossiyaning Blagoveshensk shahrida miniven piyodalar yo‘lagidan ketayotgan odamlarni yuqori tezlikda bosib ketdi. Bu haqda “TASS” xabar berdi.
Miniven haydovchisi tirik va voqea joyida. Yo‘l transport hodisasiga uning mast holatda bo‘lgani taxmin qilinmoqda. Avariya oqibatida uch kishi, jumladan ikki nafar bola halok bo‘lgan.
“Haydovchi voqea joyidan qochmagan, u yengil tan jarohati olgan”, — deyiladi xabarda.
Huquq-tartibot idoralari Blagoveshenskda piyodalarni urib yuborgan haydovchi YTH vaqtida ruxsat etilgan tezlikdan sezilarli darajada oshib ketganini taʼkidladi.
“Yo‘l-transport hodisasi vaqtida haydovchi ruxsat etilgan tezlikni sezilarli darajada oshirib yuborgan, natijada boshqaruvni yo‘qotib, piyodalarni urib yuborgan”.
Haydovchi mastlik belgilari bilan qo‘lga olingani tasdiqlangan. Jarohatlangan yetti kishi shifoxonaga olib ketilgan.
Izoh (0)