Sirdaryoda futbol maydonidagi odamlar ustiga Captiva haydagan erkakka hukm o‘qilgan edi. MIB axborot xizmatining “Daryo”ga xabar berishicha, mashina auksionda sotildi.
Voqea 2024-yil 29-may kuni soat 18:00 larda viloyatning Sayxunobod tumanida sodir bo‘lgan. Mazkur holat Sirdaryo viloyati IIB mas’ul xodimlari tomonidan o‘rganilib, haydovchiga nisbatan Jinoyat kodeksining 277- moddasi (bezorilik) bilan jinoyat ishi qo‘zg‘atilib, tegishli tartibda qamoqqa olingan. Avtomashina jarima maydonchasiga joylashtirilgan.
Sudda da’vogarlar undan shikoyati yo‘qligini bildirgan. Lekin mashinasi old qismi bilan ikki nafar shaxsni turtib yuborib, voqea joyidan qochib ketgani sababli uni oqlab bo‘lmasligi ta’kidlangan. Unga nisbatan 4 yil 6 oy ozodlikdan mahrum qilish jazosi tayinlangan.
Sud hukmiga ko‘ra mazkur avtomashinani davlat daromadiga o‘tkazish belgilanib, ijrosi Majburiy ijro byurosiga yuklatilgan edi. Byuroning Sayxunobod tuman bo‘limi tomonidan olib borilgan ijro harakatlari davomida mazkur avtomashina baholangan va auksionga chiqarilgan.
Joriy yilning 3-mart kuni o‘tkazilgan auksionda mashina 100 mln 567 ming so‘mga sotilib, sotuvdan tushgan mablag‘ davlat daromadiga o‘tkazilishi ta’minlandi.
- Farg‘onada qidiruvdagi Lacetti avtohalokat oqibatida pachoqlangan holda boshqa hududdan topildi
- Xorazmda erkakning Captiva’si xatlangach, aliment qarzini to‘ladi
- Farg‘onada qarzdorning qidiruvdagi avtomobili YTH natijasida nosoz holatda topildi
- Qashqadaryoda elektrdan qarzi bo‘lgan fuqaroning Captiva’si xatlandi
Izoh (0)