Украина президенти Владимир Зеленский “мамлакатни террорчи давлатга айлантираётгани”, у ерда фуқаролар ҳарбий сафарбарлик баҳонасида кўчаларда қўлга олиниб, калтакланаётгани таъкидланмоқда. Бу фикрни Украина Олий Радасининг мустақил депутати Артём Дмитрук ўзининг Telegram каналида билдирди.
Ҳозирда Украинадан ташқарида бўлган сиёсатчи Зеленскийни “ҳокимиятни эгаллаб олгани” ва “мамлакатдаги институтларни бузганлик”да айблаган.
Дмитрукнинг фикрича, Украина халқига қарши террор одатий ҳолга айланиб қолган, Зеленский сафарбарлик баҳонасида “ҳар бир норозини душман деб ҳисоблайдиган тузум қурмоқда”.
Депутат ўз постига Украинанинг Днепропетровск вилоятидаги Марганец шаҳрида суратга олинган видеони ҳам илова қилган. Видеода фуқаролик кийимидаги ҳарбий комиссарлик ходими бир эркакни тутиб олиб, уни мажбурлаб сафарбар қилишга уринмоқда.
Изоҳ (0)