O‘zbekistonda so‘nggi kunlarda sodir bo‘lgan yo‘l-transport hodisalari tafsilotlarini taqdim etamiz.
Namanganda Lacetti Damas bilan to‘qnashdi
2022-yil 6-aprel kuni tungi vaqtda Namangan shahri Amir Temur ko‘chasida harakatlanayotgan Lacetti avtomashina haydovchisi harakat xavfsizligini ta’minlay olmay chorrahadan o‘tayotgan Damas bilan to‘qnashgan.
Oqibatda Damas haydovchisi tan jarohati olib shifoxonaga yotqizilgan. Lacetti haydovchisi va yo‘lovchisining ahvoli qoniqarli darajada.
Qashqadaryoda Nexia Lacetti’ga borib urildi
2022-yil 7-aprel kuni Nishon tumanida yashovchi S.M. o‘zining boshqaruvida bo‘lgan Nexia avtomashinasi bilan Qarshi–Nishon–Tallimarjon 4R-89 yo‘lining 36-kilometridan Nishon tumani “Abdulla Qodiriy” MFY tomonga qarama-qarshi yo‘ldan harakatlanib kelayotgan Qarshi tumanida yashovchi R.F. boshqaruvida bo‘lgan Lacetti avtomashinasiga urilib, YTH sodir qilgan.
Hozirda mazkur holat yuzasidan Nishon tuman IIB YHXB tomonidan surishtiruv harakatlari olib borilmoqda.
Namanganda Cobalt yuk mashinasi tirkamasiga urildi
2022-yil 25-mart kuni soat 03:30 larda A-373 Toshkent–O‘sh yo‘lining 244-kilometrida Pop tumani “Qo‘shminor” MFY hududida Andijon viloyatida yashovchi fuqaro Cobalt avtomashinasini boshqarib borayotib, harakat xavfsizligini ta’minlay olmagan.
So‘ngra shu yo‘nalishda o‘zidan oldinda harakatlanib ketayotgan, Farg‘ona viloyati Farg‘ona shahrida yashovchi fuqaro boshqaruvidagi MAN rusumli yuk mashinasiga ulangan Krone rusumli tirkamasining orqa tomoniga urilgan.
Oqibatda Cobalt’da bo‘lgan yo‘lovchi yuqori jag‘ suyagining botib yopiq sinishi tashxisi bilan tan jarohati olib, shifoxonaga yotqizilgan.
Ushbu holat bo‘yicha tuman IIB huzuridagi TB tomonidan Jinoyat kodeksining 266-moddasi 1-qismi (transport boshqarish xavfsizligi qoidalarini buzish) bilan jinoyat ishi qo‘zg‘atilgan.
Izoh (0)