Qamchiqda Toshkent—Vodiy yo‘nalishida harakatlangan yuk avtotomobili ag‘darilib ketdi. FVV holat yuzasidan ma‘lumot berdi.
Unga ko‘ra, 18-iyun A-373 avtomobil yo‘lining “Qamchiq” dovoni qismi 266,4 kilometrida Toshkent—Vodiy yo‘nalishida harakatlangan yuk avtotomobili haydovchisi boshqaruvni yo‘qotishi natijasida, yo‘l chetidagi xandaqqa tushib, yonboshlab qolgan.
Voqea joyiga “Qamchiq” maxsus qidiruv, yong‘in-qutqaruv boshqarmasi qutqaruvchilari hamda YPX xodimlari yetib borgan va avtomobilda yuzaga kelishi mumkin bo‘lgan yong‘inning oldi olinib, haydovchi va yo‘lovchining hayoti saqlab qolingan. Shundan so‘ng, birinchi tibbiy yordam ko‘rsatilib, Pop tuman shifoxonasiga olib ketilgan.
Izoh (0)