Qamchiq dovonida 22-aprel kuni DAF yuk mashinasi beton to‘siqqa urilib ag‘darilib ketdi. Bu haqda Favqulodda vaziyatlar vazirligi axborot xizmati xabar berdi.
Ma’lum bo‘lishicha, soat 06:22 da A-373 xalqaro avtomobil yo‘lining Qamchiq dovoni qismidan o‘tgan 269,4 kilometrida harakatlanayotgan DAF haydovchisi boshqaruvni yo‘qotib, to‘siqqa urilgan.
Shu harakat yo‘nalishidagi Damas esa yuk mashinasidan qochishi oqibatida handaqqa tushib, yo‘l-transport hodisasi sodir etgan. Voqea joyiga zudlik bilan qutqaruvchilar yetib borib, oqibatlarni bartaraf etgan.
Vazirlik axborot xizmatining qo‘shimcha qilishicha, hodisa oqibatida yuk mashinasi haydovchisi va 2 nafar Damas avtomobilidagi yo‘lovchilar tan jarohati olib, Pop tuman markaziy shifoxonasiga yuborilgan. Halok bo‘lganlar yo‘q.
Izoh (0)