Buxoroda 2022-yilning o‘tgan davrida 436 ta YTH sodir etilgani, shundan 92 tasi inson o‘limi bilan yakunlangani ma’lum bo‘ldi. Mana shunday YTHlarning oldini olish maqsadida viloyatdagi yo‘llarda harakatni ajratuvchi beton to‘siqlarga 1700 ga yaqin katafotlar o‘rnatildi. Bu haqda “Daryo”ga viloyat IIB YHXB axborot xizmati rahbari Ulug‘bek Shukurullayev ma’lum qildi.
Viloyatda sodir etilgan YTHlar 2022-yilning o‘tgan davrida 2021-yilning shu davrga nisbatan 97 taga ko‘paygan. Tan jarohati olish bilan bog‘liq yo‘l-transport hodisalari esa 88 taga (256 tadan 344 taga) yoki 34,4 foizga, o‘lim bilan bog‘liq yo‘l-transport hodisalari soni 9 taga (83 tadan 92 taga) yoki 10,8 foizga ko‘paygan.
“Avtomobillarning xavfsiz harakatlanishi uchun qulay shart-sharoitlar yaratilishini nazarda tutuvchi xalqaro, davlat va mahalliy ahamiyatga ega bo‘lgan yo‘llarda 690 dona nur qaytaruvchi lenta va yo‘naltirgichlar, yo‘l chetini belgilovchi ustunlarga, harakatni ajratuvchi beton to‘siqlarga esa jami 1692 dona katafotlar o‘rnatildi. Bu viloyatda yo‘l transport hodisalarining kamayishiga xizmat qiladi”, — deydi viloyat YHXB axborot xizmati rahbari Ulug‘bek Shukurullayev.
Qo‘shimcha qilinishicha, viloyatda yo‘l harakati qatnashchilarining huquqiy madaniyati va malakasini oshirish, intizomini yaxshilash borasida ham ko‘plab ishlar amalga oshirilgan.
Mavzuga doir:
- Toshkentda 5 ta avtomobil ishtirokida YTH sodir bo‘ldi, Samarqandda Nexia-3 bilan to‘qnashgan Nexia yonib ketdi
- Qamchiqda yuk avtomobili yo‘l chetiga chiqib ketdi, Samarqandda Nexia-2 olib qochgan mast erkak Damas bilan to‘qnashdi
- Farg‘onada mast va voyaga yetmagan haydovchilar boshqaruvidagi Lacetti’lar to‘qnashdi, Qashqadaryoda Matiz mashina itarib ketayotgan piyodalarni urib ketdi. YTHlar tafsilotlari
Izoh (0)