So‘nggi kunlarda mamlakat avtoyo‘llarida sodir bo‘lgan yo‘l-transport hodisalari tafsilotlarini taqdim etamiz
Qamchiqda yuk avtomobili ag‘darildi
Yo‘l transport hodisasi 3-aprel kuni soat 13:00 larda Toshkent viloyati Ohangaron tumani hududidan o‘tgan Qamchiq dovoni A-373 avtomobil yo‘lida sodir bo‘lgan. Haydovchi (1979-yilda tug‘ilgan) M.K. tirkama ulangan Mercedes-Benz yuk transport vositasida harakatlanayotib, yo‘lning 197-kilometriga yetgan vaqtda xavfli burilish joyida boshqaruvni yo‘qotgan. Oqibatda yuk avtomobili va tirkama ag‘darilgan.
YTHda tan jarohati olgan fuqarolar yo‘q. FVB va YHXB xodimlari tomonidan haydovchiga amaliy yordam ko‘rsatilib, oqibatlar bartaraf etilgan.
Holat yuzasidan Ohangaron tumani IIB YHXB xodimlari tomonidan surishtiruv olib borilmoqda.
Andijonda “ZIL” va Damas to‘qnashdi
Holat 4-aprel kuni soat 12:10 larda Andijon viloyati Shahrixon tumani hududidan o‘tuvchi 4P-138 avtomobil yo‘lining 6-kilometrida sodir bo‘lgan. Haydovchi N.B. (1964-yilda tug‘ilgan) boshqaruvidagi “Gaz-5204” yuk avtomobili hamda haydovchi M.N. (1991-yilda tug‘ilgan) boshqaruvidagi Damas avtomobili ishtirokida to‘qnashuv sodir bo‘lgan.
YTH oqibatida tan jarohati olgan fuqarolar yo‘q.
Holat yuzasidan Shahrixon tumani IIB JXX YHXB xodimlari tomonidan surishtiruv harakatlari olib borilmoqda.
Mavzuga doir:
Izoh (0)