Qamchiq dovonida bir kunda — 24-iyul kuni yuk mashinalari bilan bog‘liq ikkita avtohalokat sodir bo‘ldi.
YHXX axborot xizmatining ma‘lum qilishicha, 24-iyul kuni soat 17:30 larda “Qamchiq” dovoni hududidan o‘tuvchi A-373 avtomobil yo‘lining 243-kilometrida Sinotruk Howo rusumli yuk transport vositasining haydovchisi boshqaruvni yo‘qotgani sababli avtomobil yo‘l chetiga ag‘darilgan. Tan jarohati olgan yoki vafot etganlar yo‘q. Haydovchiga amaliy yordam ko‘rsatilishi vaqtida qisqa tirbandlik yuzaga kelgan.
Shuningdek, FVV ham yana bir avtohalokat to‘g‘risida ma‘lumot berdi. Unga ko‘ra, 24-iyul kuni soat 16:53 da A-373 Toshkent—O‘sh avtomobil yo‘lining 242.2 km.da Toshkent—Vodiy yo‘nalishida harakatlangan DAF rusumli yuk mashina haydovchisi ehtiyotsizligi oqibatida yo‘l o‘rtasida qaychi usulida to‘xtab qolgan. Natijada yoqilg‘isi oqib ketgan. Uning ortidan kelayotgan CIMC rusumli qurilish mahsuloti tashishga mo‘ljallangan avtomashina toyib ketib yo‘l chetidagi xandaqqaga tushib ketgan.
Hodisa joyiga FVVning “Qamchiq” dovoni qutqvruvchilari yetib borib, YPX va “Qamchiqavtoyo‘l” xodimlari bilan hamkorlikda vaziyat oqibatlarini bartaraf etmoqda. Yo‘l transport hodisasi oqibatlarini bartaraf etish vaqtida yo‘lning bir tomoni vaqtincha yopilgan.
Hodisa oqibatida tan jarohati olgan va halok bo‘lganlar yo‘q.
Izoh (0)