Andijon viloyati prokuraturasi Izboskan tumanida joylashgan masjidda yuz bergan portlash yuzasidan jinoyat ishi qo‘zg‘atdi.
Aniqlanishicha, Izboskan tumanda joylashgan “Ahmadali hoji” masjidining tahoratxona binosi yerto‘lasida isitish moslamalariga ulangan gaz quvurlaridan sizib chiqqan tabiiy gaz xona ichiga to‘planib qolishi natijasida, elektr energiyasi yoqilgan vaqtda chaqnash sodir bo‘lib, bino qulab tushgan.
Bino ichida bo‘lgan 10 nafar shaxslar turli darajada tan jarohatlari olgan va 3 nafar shaxslar voqea joyida vafot etgan.
Mazkur holat yuzasidan Andijon viloyat prokuraturasi tomonidan O‘zbekiston Respublikasi Jinoyat kodeksining 205, 259-moddalari bilan jinoyat ishi qo‘zg‘atilib, dastlabki tergov harakatlari olib borilmoqda.
Tergov harakatlari davomida barcha holatlar to‘liq o‘rganilib, qonuniy qaror qabul qilinishi ta’minlanadi, deyiladi Andijon viloyati prokuraturasi xabarida.
Izoh (0)