Toshkent shahrining Yashnobod hamda Chilonzor tumanlari hududidagi ayrim aholi yashash xonadonlari hamda kichik tadbirkorlik subyektlarida elektr energiyasi 3-iyun kuni soat 18:00 ga qadar o‘chirildi. Bu haqda poytaxt hokimligi matbuot xizmati xabar berdi.
Qayd etilishicha, isteʼmolchilarga sifatli va barqaror elektr energiyasini yetkazib berilishini taʼminlash maqsadida ta’mirlash ishlari olib borilmoqda. Shu sababli elektr tarmoqlarida sodir bo‘lishi mumkin bo‘lgan avariya holatlarining oldini olish hamda taʼmirlash ishlarini xavfsiz bajarish maqsadida:
- Yashnobod tumani “Mirishkor” MFYning Ilg‘or shoh, Tolariq, Masjid hamda Darhon ko‘chalari hududidagi aholi yashash xonadonlarida;
- Chilonzor tumanining Afshona, Ilg‘or, Cho‘pon ota ko‘chalari hududidagi aholi yashash xonadonlarida elektr energiyasi vaqtinchalik o‘chirilgan.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr energiyasi taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Energetika vazirligi vodiy viloyatlarining ayrim hududlarida 1-iyun kuni elektr ta’minotida uzilishlar kuzatilgani bo‘yicha tushuntirish bergandi. Unga ko‘ra, sekundiga 24 metr esayotgan kuchli shamol tufayli vodiy viloyatlarining ayrim hududlarida elektr ta’minotida uzilishlar kuzatilgan. Shu sababli xavfsizlikni ta’minlash maqsadida Namangan, Farg‘ona va Andijon viloyatlaridagi ayrim elektr tarmoqlari vaqtincha tarmoqdan ajratilgan.
Izoh (0)