Futbol bo‘yicha O‘zbekiston Superligasining 3-turidan o‘rin olgan navbatdagi bahslar 28-mart, juma kuni bo‘lib o‘tdi.
Unda Namanganning “Navbahor” klubi o‘z uyida “Andijon”ni qabul qildi. Uchrashuv tezkor gollar bilan boshlandi.
2-daqiqadayoq Zabihillo O‘rinboyevning urgan goliga oradan 4 daqiqa o‘tar-o‘tmas andijonliklar javob qaytardi. “Navbahor” futbolchisi Gilyerme Gedesh o‘z darvozasiga to‘p kiritib qo‘ydi.
Shundan so‘ng qator vaziyatlar yuzaga kelgan bo‘lsa ham birinchi bo‘limda bosh hisob o‘zgarmadi. Ikkinchi bo‘lim avvalida yana maydon egalari yaxshi harakat qildi va Abbos G‘ulomov 52-daqiqada gol urdi.
74-daqiqaga kelib “Andijon” aʼzosi Mirzad Mehanovich qizil kartochka olib, maydondan chetlatildi. 90+5-daqiqaga kelib esa jamoalar aʼzolari tenglashdi – Saidazamat Mirsaidov qizil kartochka oldi.
Jamoa aʼzolari tenglashganidan unumli foydalangan andijonliklar hisobni ham tenglashtirdi. Bu safar ham avtogol – Benjamin Teidi hisobiga yozildi.
Ushbu durang bilan namanliklar 5 ochko bilan 5-o‘rinni egallab turibdi. Andijonliklar esa 3 ochko bilan 8-o‘rindan joy oldi.
Superliga
3-tur
28-mart, juma
“Navbahor” — “Andijon” 2:2
Gollar: 0:1 — 2, Zabihillo O‘rinboyev, 1:1 — 6, Gilyerme Gedesh (avtogol), 2:1 – 52, Abbos G‘ulomov, 2:2 – 90+8, Benjamin Teidi (avtogol).
“Navbahor”: 1.Umidjon Ergashev, 7.Azimjon Ahmedov (15.Javohir Abdujabborov, 62), 8.Shohmalik Komilov (4.Shahzod Toirov, 75), 9.Zabihillo O‘rinboyev (29.Pedro Augusto, 75), 10.Shahzodbek Ubaydullayev (37.Alisher Odilov, 62), 12.Saidazamat Mirsaidov, 13.Benjamin Teydi, 33.Sergey Karpovich, 36.Gilerme Gedesh, 70.Abbos G‘ulomov (17.Ruslan Jiyanov, 80), 99.Igor Gabriel.
“Andijon”: 1.Eldor Adhamov, 4.Islom Mamatkazin, 5.Abdulvohid G‘ulomov, 8.Iskandar Shoyqulov (6.Altin Kreziu, 68), 9.Mirzad Mehanovich, 11.Islam Mashukov, 14.Abdurahmon Komilov (23.Doniyor Abdumannopov, 68), 22.Usmonali Ismonaliyev, 26.Muhammadkarim Toirov, 32.Luka Uskokovich, 71.Bektemir Abdumannonov.
Chetlatish: Saidazamat Mirsaidov 90+6 (N) – Mirzad Mehanovich (72, “A”).
Izoh (0)