Samarqand viloyatida novvoyxona 490 mln so‘mlik tabiiy gazni talon-toroj qilgani aniqlandi. Bu haqda Bosh prokuratura xabar berdi.
Qayd etilishicha, yoqilg‘i-energiya resurslaridan noqonuniy foydalanish bilan bog‘liq holatlarni fosh etishga qaratilgan nazorat tadbirlari davom etmoqda.
Xususan, Samarqand viloyati Oqdaryo tumanidagi “B.D” oilaviy korxonasi rahbari R.B. xonadonida tashkil qilingan novvoyxonani tabiiy gaz tarmog‘iga o‘zboshimchalik bilan ulagan holda foydalanib kelishi oqibatida 490 mln so‘mlik tabiiy gazni talon-toroj qilgan.
Hozirda mazkur holat bo‘yicha Oqdaryo tumani prokuraturasi tomonidan Jinoyat kodeksining 169-moddasi- qismi “a” bandi bilan jinoyat ishi qo‘zg‘atilib, korxona rahbari R.B. protsessual tartibda ushlangan.
Gaz o‘g‘irlayotgan ohak sexlari
Mart oyida Samarqand viloyatining Paxtachi tumanida 4 mlrd so‘mlik tabiiy gazdan noqonuniy foydalangan yashirin ohak sexi fosh etilgan edi. Aprelda esa Farg‘onada 69,4 mln so‘mlik tabiiy gazdan noqonuniy foydalangan ohak sexi aniqlangan.
May oyida esa yana Farg‘onada 289 mln so‘mlik tabiiy gazdan noqonuniy foydalanib, ohak sexi tashkil etilganligi aniqlangan edi. Avgust oyida Samarqandda 3,3 mlrd so‘mlik tabiiy gazdan noqonuniy foydalanib, ohak sexi tashkil etgan shaxs ushlangandi.
Sentyabrda Farg‘onada gazdan noqonuniy foydalangan ohak sexi mas’ullari davlatga 5,5 mlrd so‘mdan ziyod zarar yetkazdi. Shu bilan birga, aynan Farg‘ona shahrida noqonuniy ohak ishlab chiqarish sexi tashkil qilib, 544,6 mln so‘mlik tabiiy gazni o‘g‘irlaganlar qo‘lga tushgan edi.
Izoh (0)