Самарқанд вилоятида новвойхона 490 млн сўмлик табиий газни талон-торож қилгани аниқланди. Бу ҳақда Бош прокуратура хабар берди.
Қайд этилишича, ёқилғи-энергия ресурсларидан ноқонуний фойдаланиш билан боғлиқ ҳолатларни фош этишга қаратилган назорат тадбирлари давом этмоқда.
Хусусан, Самарқанд вилояти Оқдарё туманидаги “Б.Д” оилавий корхонаси раҳбари Р.Б. хонадонида ташкил қилинган новвойхонани табиий газ тармоғига ўзбошимчалик билан улаган ҳолда фойдаланиб келиши оқибатида 490 млн сўмлик табиий газни талон-торож қилган.
Ҳозирда мазкур ҳолат бўйича Оқдарё тумани прокуратураси томонидан Жиноят кодексининг 169-моддаси- қисми “а” банди билан жиноят иши қўзғатилиб, корхона раҳбари Р.Б. процессуал тартибда ушланган.
Газ ўғирлаётган оҳак цехлари
Март ойида Самарқанд вилоятининг Пахтачи туманида 4 млрд сўмлик табиий газдан ноқонуний фойдаланган яширин оҳак цехи фош этилган эди. Апрелда эса Фарғонада 69,4 млн сўмлик табиий газдан ноқонуний фойдаланган оҳак цехи аниқланган.
Май ойида эса яна Фарғонада 289 млн сўмлик табиий газдан ноқонуний фойдаланиб, оҳак цехи ташкил этилганлиги аниқланган эди. Август ойида Самарқандда 3,3 млрд сўмлик табиий газдан ноқонуний фойдаланиб, оҳак цехи ташкил этган шахс ушланганди.
Сентябрда Фарғонада газдан ноқонуний фойдаланган оҳак цехи масъуллари давлатга 5,5 млрд сўмдан зиёд зарар етказди. Шу билан бирга, айнан Фарғона шаҳрида ноқонуний оҳак ишлаб чиқариш цехи ташкил қилиб, 544,6 млн сўмлик табиий газни ўғирлаганлар қўлга тушган эди.
Изоҳ (0)