Жиззах вилоятида рулда ухлаб қолган Matiz ҳайдовчиси юк машинасига урилиши оқибатида содир бўлган ЙТҲда ҳалок бўлди. Бу ҳақда вилоят ЙҲХБ хабар берди.
Бирламчи аниқланган маълумотларга кўра, ҳолат М39 автомобиль йўлининг 980-километрида содир бўлган. 13 март куни эрталаб 6:50 ларда Самарқанд—Тошкент йўналишида ҳаракатланиб келаётган Matiz ҳайдовчиси ухлаб қолиши оқибатида бетон тўсиқ орасидан қарама-қарши томонга ўтиб кетган.
Мазкур йўналишда ҳаракатланиб келаётган юк машинасининг йўналишига чиқиб кетиб, ЙТҲ содир этган. Ҳодисада Matiz ҳайдовчиси оғир тан жароҳатлари олиб ҳалок бўлди.
Содир бўлаётган ЙТҲлар
2024 йил 5 декабрь куни Тошкент шаҳрининг Мирзо Улуғбек ва Юнусобод туманларида 1,5 соат ичида ЙТҲлар содир бўлгани ҳақида хабар берилганди. Шунингдек, 6 декабрь куни Юнусобод ва Яшнобод туманларида ЙТҲлар содир бўлганди.
3 ноябрь тунда пойтахтнинг учта туманида ЙТҲ содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди.
11 ноябрь куни Миробод туманидаги Санъат музейи қаршисида Lacetti King Long автобуси орқасига бориб урилди. 16 ноябрда Яккасарой туманида Malibu йўл четидаги темир устунга урилди ва ҳайдовчи ҳамда йўловчиси жароҳат олди.
17 ноябрь куни Юнусобод туманида Toyota, Malibu-2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳалок бўлганлар йўқ.
Мирзо Улуғбек туманида 28 ноябрь куни соат 16:10 ларда 5 та автомашина иштирокида ЙТҲ содир бўлди.
Аввалроқ Ўзбекистонда автомобилни такроран маст ҳолда бошқарганлик учун жиноий жавобгарлик белгиланаётгани ҳақида хабар берилганди.
Изоҳ (0)