Andijon viloyatining Asaka tumani, “Yangiobod” MFY hududidan o‘tgan D-105 Farg‘ona halqa avtomobil yo‘lida 22-fevral kuni soat 23:00 larda YTH sodir bo‘ldi. Bu haqda viloyat IIB JXX YHXB axborot xizmati xabar berdi.
Maʼlum qilinishicha, 1999-yilda tug‘ilgan A.M. Damas avtomashinasida Asaka—Farg‘ona yo‘nalishi bo‘ylab harakatlanib ketayotgan vaqtida tezlikni oshirib, oraliq masofa saqlamagan. Oqibatda o‘zi bilan bir yo‘nalishda chapga qayrilmoqchi bo‘lgan Nexia-3 avtomashinasining orqasidan borib urgan.
So‘ng Damas haydovchisi rul boshqaruvini yo‘qotib, yo‘l chetidagi zovurga ag‘darilib ketgan.
Hodisa oqibatida tan jarohati olganlar yo‘q, avtomashinalar texnik shikastlangan.
Holat yuzasidan Asaka tumani IIB YHXB masʼul xodimlari tomonidan surishtiruv ishlari olib borilmoqda.
Sodir bo‘layotgan YTHlar
2024-yil 5-dekabr kuni Toshkent shahrining Mirzo Ulug‘bek va Yunusobod tumanlarida 1,5 soat ichida YTHlar sodir bo‘lgani haqida xabar berilgandi. Shuningdek, 6-dekabr kuni Yunusobod va Yashnobod tumanlarida YTHlar sodir bo‘lgandi.
3-noyabr tunda poytaxtning uchta tumanida YTH sodir bo‘ldi. Sergelida Spark va Matiz to‘qnashdi, Yunusobodda Lacetti yo‘l chetidagi beton ustunga borib urildi, Mirzo Ulug‘bek tumanida Lacetti va BMW to‘qnashdi.
11-noyabr kuni Mirobod tumanidagi Sanʼat muzeyi qarshisida Lacetti King Long avtobusi orqasiga borib urildi. 16-noyabrda Yakkasaroy tumani Malibu yo‘l chetidagi temir ustunga urildi va haydovchisi va yo‘lovchisi jarohat oldi.
17-noyabr kuni Yunusobod tumanida Toyota, Malibu-2 va Cobalt avtomashinalari ishtirokida YTH sodir bo‘ldi. 24-noyabr kuni Mirzo Ulug‘bek tumanida Spark va Epica to‘qnashib, yonib ketdi. Hodisa oqibatida halok bo‘lganlar yo‘q.
Mirzo Ulug‘bek tumanida 28-noyabr kuni soat 16:10 larda 5 ta avtomashina ishtirokida YTH sodir bo‘ldi.
2025-yil 13-fevral kuni Samarqandda sodir bo‘lgan YTH oqibatida ikki kishi jarohatlandi.
17-fevral kuni Samarqandda katta tezlikda qizil chiroqdan o‘tgan Gentra ikki piyodani urib yubordi.
Izoh (0)