Toshkent shahrining Yunusobod tumani, Amir Temur ko‘chasi, Toshkent teleminorasi qarshisida 17-noyabr kuni soat 21:30 larda YTH sodir bo‘ldi. Bu haqda poytaxt IIBB YHXB matbuot xizmati xabar berdi.
Maʼlum qilinishicha, avtohalokat haydovchi N.S. boshqaruvidagi Toyota, O.Sh. boshqaruvidagi Malibu 2 hamda A.I. boshqaruvidagi Cobalt avtomashinalari ishtirokida sodir bo‘lgan.
Hodisa oqibatida Malibu avtomashinasi yo‘lovchisi va haydovchisiga birinchi tibbiy yordam ko‘rsatilgan.
Holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
Poytaxt ko‘chalaridagi avtohalokatlar
Toshkent shahrining Mirobod tumani Shahrisabz ko‘chasi, Sanʼat muzeyi qarshisida 11-noyabr kuni1985-yilda tug‘ilgan A.X. boshqaruvida bo‘lgan King Long avtobusi va 1992-yilda tug‘ilgan N.X. boshqaruvida bo‘lgan Lacetti avtomashinasi to‘qnashgani xabar qilingandi. Hodisa oqibatida Lacetti haydovchisi tan jarohati olgan.
Avvalroq Toshkentning Sergeli, Yunusobod va Mirzo Ulug‘bek tumanlarida sodir bo‘lgan YTHlar oqibatida uch kishi jarohatlangan edi.
Shuningdek, Samarqandda sodir bo‘lgan yo‘l-transport hodisasi oqibatida haydovchi jarohatlangani haqida xabar berilgandi.
Izoh (0)