Toshkent shahrining Yunusobod va Yashnobod tumanlarida 6-dekabr kuni YTH sodir bo‘ldi. Bu haqda Toshkent shahar IIBB YHXB axborot xizmati xabar berdi.
Jumladan, 6-dekabr kuni soat 00:05 larda Yunusobod tumani, Bog‘iravon—KHAY ko‘chalari, “Samarqand darvoza” savdo markazi qarshisida Nexia avtomashinasi haydovchisi svetoforning taqiqlovchi qizil ishorasiga bo‘ysunmasdan harakatlangan. Oqibatda Spark avtomashinasi bilan to‘qnashgan.
Hodisa oqibatida tan jarohati olganlar yo‘q. Maʼlum qilinishicha, ushbu YTH haydovchilarning kelishuviga asosan (E-protocol) yo‘l-transport hodisasi to‘g‘risidagi xabarnoma orqali rasmiylashtirilgan.
Shuningdek, 6-dekabr kuni soat 21:30 larda Yashnobod tumani, Yangi O‘zbekiston ko‘chasida haydovchi 2005-yilda tug‘ilgan K.K. Cobalt avtomashinasini boshqarib ketayotib, rul boshqaruvini yo‘qotib, yo‘l chetidagi temir ustun bilan to‘qnashgan.
Hodisa oqibatida tan jarohati olganlar haqida xabar kelib tushmagan.
Holat yuzasidan surishtiruv ishlari olib borilmoqda.
5-dekabr kuni Toshkent shahrining Mirzo Ulug‘bek va Yunusobod tumanlarida 1,5 soat ichida YTHlar sodir bo‘lgani haqida xabar berilgandi.
Toshkentda noyabrda sodir bo‘lgan YTHlar
3-noyabr tunda poytaxtning uchta tumanida YTH sodir bo‘ldi. Sergelida Spark va Matiz to‘qnashdi, Yunusobodda Lacetti yo‘l chetidagi beton ustunga borib urildi, Mirzo Ulug‘bek tumanida Lacetti va BMW to‘qnashdi.
11-noyabr kuni Mirobod tumanidagi “Sanʼat muzeyi” qarshisida Lacetti King Long avtobusi orqasiga borib urildi. 16-noyabrda Yakkasaroy tumani Malibu yo‘l chetidagi temir ustunga urildi va haydovchisi va yo‘lovchisi jarohat oldi.
17-noyabr kuni Yunusobod tumanida Toyota, Malibu-2 va Cobalt avtomashinalari ishtirokida YTH sodir bo‘ldi. 24-noyabr kuni Mirzo Ulug‘bek tumanida Spark va Epica to‘qnashib, yonib ketdi. Hodisa oqibatida halok bo‘lganlar yo‘q.
Mirzo Ulug‘bek tumanida 28-noyabr kuni soat 16:10 larda 5 ta avtomashina ishtirokida YTH sodir bo‘ldi.
Izoh (0)