Joriy yilning 16-noyabr kuni soat 00:10 larda Yakkasaroy tumani Shota Rustavelli ko‘chasi 50-uy qarshisida haydovchi 2004-yilda tug‘ilgan Sh.M. Malibu rusumli avtomashinasini boshqarib ketayotib, rul boshqaruvini yo‘qotib, yo‘l chetidagi temir ustunga urildi. Bu haqda Toshkent shahar IBB Yo‘l harakati xavfsizligi boshqarmasi xabar berdi.
YTH natijasida avtomashina haydovchisi va yo‘lovchisi — 2004-yilda tug‘ilgan D.S. jarohat olgan. Ularga shifokorlar tomonidan birinchi tez tibbiy yordam ko‘rsatilgan.
Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
11-noyabr kuni Toshkent shahrining Mirobod tumani Shahrisabz ko‘chasi, Sanʼat muzeyi qarshisida 1985-yilda tug‘ilgan A.X. boshqaruvida bo‘lgan King Long avtobusi va 1992-yilda tug‘ilgan N.X. boshqaruvida bo‘lgan Lacetti avtomashinasi to‘qnashgani xabar qilingandi. Hodisa oqibatida Lacetti haydovchisi tan jarohati olgan.
Avvalroq Toshkentning Sergeli, Yunusobod va Mirzo Ulug‘bek tumanlarida sodir bo‘lgan YTHlar oqibatida uch kishi jarohatlangan edi.
Shuningdek, Samarqandda sodir bo‘lgan yo‘l-transport hodisasi oqibatida haydovchi jarohatlangani haqida xabar berilgandi.
“Barcha yo‘l harakati qatnashchilaridan qoidalarga rioya qilishlarini tezlikni belgilangan me’yorlardan oshirmasliklarini so‘raymiz”, deyiladi xabarda.
Izoh (0)