Toshkentning Sergeli, Yunusobod va Mirzo Ulug‘bek tumanlarida 3-noyabr tunida YTHlar sodir bo‘ldi. Bu haqda poytaxt IIBB YHXB axborot xizmati xabar berdi.
Maʼlum qilinishicha, 3-noyabr kuni soat 02:00 larda Sergeli tumani Mehrigiyo-Mirzo Tursunzoda ko‘chalari chorrahasida haydovchi 2001-yilda tug‘ilgan D.U. boshqaruvidagi Spark va 1997-yilda tug‘ilgan L.A. boshqaruvidagi Matiz to‘qnashgan.
Oqibatda Matiz avtomashinasining 2 nafar yo‘lovchisi shifoxonaga olib ketilgan.
Shuningdek, 3-noyabr kuni soat 01:45 larda Yunusobod tumani, “Sharof Rashidov” ko‘chasi, Mustaqillik maydoni qarshisida haydovchi 2003-yilda tug‘ilgan S.I. Lacetti avtomashinasini boshqarib ketayotib, rul boshqaruvini yo‘qotib, yo‘l chetidagi beton ustunga to‘qnashgan.
YTH natijasida haydovchi tan jarohat olgan va shifoxonaga olib ketilgan.
Bundan tashqari, 3-noyabr kuni soat 01:10 larda Mirzo Ulug‘bek tumani, “Qori Niyoziy” ko‘chasi, 66-uy qarshisida haydovchi 1987-yilda tug‘ilgan D.U. (mast holda) boshqaruvidagi Lacetti va 1994-yilda tug‘ilgan S.X. boshqaruvidagi BMW to‘qnashgan.
Hodisa oqibatida tan jarohat olganlar yo‘q.
Barcha holatlar yuzasidan Toshkent shahar IIBB YHXB tomonidan surishtiruv ishlari olib borilmoqda.
Izoh (0)