Toshkent viloyati hokimi Zoir Mirzayev mas’ullar va’dasini bajarsa, fuqaro murojaatiga ijobiy yechim topsagina aholi unga ishonishini, boshqaruvga ishonishini, prezident vakiliga ishonchi paydo bo‘lishini aytdi. Bu haqda hokim respublika ishchi guruhi tomonidan viloyat sektor rahbarlari, vazirlik va tashkilot rahbarlarining Yangiyo‘l tumanidagi ommaviy sayyor qabulida gapirdi.
Ochiqlik, ijtimoiy tarmoq orqali xalq bilan muloqot qilish rahbar uchun yengillik bo‘ladi. Masalan ijtimoiy tarmoq orqali menga murojaat qilishsa, murojaatni darrov skrinshot qilib, tuman hokimiga yetkazib beraman. Birinchi navbatda o‘zim javob beraman, lekin hokimiga qaysi shaharga tegishli ekanligini aytib, yetkazaman. Bu muammo yechimini tezlashtiradi. Murojaatchi fuqaroga hokimga aytdim deyman, hokim o‘n besh minutdan keyin unga aloqaga chiqadi. Fuqaro menga rahmat aytadi: “Hokim chiqdi yoki rahbar chiqdi”, deydi. Bu narsa bizning ishimizni yengillashtiradi. Ikkinchidan, davlatga bizning qanday toifada bo‘lishimizdan qat’iy nazar, hokimiyat vakili yoki prezident vakiliga nisbatan ishonchni kuchaytiradi. Boshqaruvga ishonch bo‘lishi kerak. Boshqaruvga ishonch qachon kuchayadi? Qachonki, aytilgan va’da bajarilsa, fuqaro murojaati joyida hal qilinsa, bu ertaga o‘zini o‘zi oqlaydi, deydi Toshkent viloyati hokimi.
Murojaatchi fuqaro Gulnoza Yo‘ldoshevaning aytishicha, u respublika ishchi guruhi vakillari, aynan viloyat rahbari Zoir Mirzayevning seshanba kuni bo‘lib o‘tishi rejalashtirilgan qabuliga yozilish uchun ijtimoiy tarmoqlar orqali hokimga murojaat qilgan. Viloyat rahbarining o‘zi u javob yozib, qabulga kelishi mumkinligini, shuningdek, muammosiga yechim qilishini yozgan.
Shaxsan hokimning o‘zi qabulga keling deyishi, tag‘inam qabulga kelgan vaqtingiz tarmoq orqali murojaat qilgan fuqaro ekanimni aytib, tanishi hokimning shaxsan o‘zi ijtimoiy tarmoqlar orqali qilingan murojaatlarga javob berayotganidan dalolat beradi, deydi murojaatchi.
Zoir Mirzayevning aytishicha, 25-fevral kuni bo‘lib o‘tgan sayyor qabuli uning faoliyati davomidagi eng qisqa yakunlangan birinchi sayyor qabuli bo‘lib, 3,5 soat davom etgan.
Oldin qabul o‘tkazgan paytimiz qabuldan keyin rejalashtirilgan ishlarimiz cho‘zilib ketardi. Endi, mana Xudoga shukur, sekin-asta yaxshilanmoqda. Lekin, baribir hayotda muammo chiqadi, bu har bir oilada, issiq joylarda bo‘lgani kabi. Bugungi muloqotimiz respublikadagi vazirlik idoralari vakillarining kelganligi va Xalq qabulxonasining birinchi o‘rinbosari ishtirok etgani bois ham yengil bo‘ldi. Sababi, hamma narsa mahalliy hokimiyatning qo‘lida emas, hammasini hal qilishga imkoniyat ham yo‘q. Qolgan organlarni yonimizda ko‘rish bizlarga dalda bergan. Shuning uchun bir qancha masalalar ham hal bo‘ldi. Tumanlarda ham bugungi natija o‘z samarasini berdi, dedi hokim.
Toshkent viloyati hokimi hokimlikning ijtimoiy tarmoqlardagi sahifalariga kelib tushayotgan murojaatlarni shaxsan o‘zi nazorat qilishini, ularga javob yozish uchun vaqt ajratishini eslatdi.
Bugun qabul tugagach, Yangiyo‘ldan Nurafshon shahriga yetib borgunimcha yo‘lda, mashinada 1 soat 20 daqiqa vaqt ketadi. Shu vaqt oralig‘ida men nima qilaman? Aynan shunday murojaatlarga javob yozib ketaman, dedi Zoir Mirzayev.
Izoh (0)