Ravshan Raimov 15-noyabr kuni Yangiyo‘l shahri hokimi etib tayinlandi. Bu haqda Toshkent viloyati hokimligi matbuot xizmati xabar berdi.
Mazkur tayinlov haqida viloyat hokimi Zoir Mirzayev ishtirokida xalq deputatlari shahar kengashining navbatdan tashqari sessiyasida e’lon qilindi. Yangiyo‘l shahriga 2023-yil avgustidan buyon hokimlik qilib kelgan Dilshod Sultonov lavozimidan ozod etildi. Undan avval shaharga Farhod Mirzayev hokimlik qilgan bo‘lib, 2023-yil iyulida prezident raisligidagi yig‘ilishda o‘ndan ortiq tuman va shahar hokimlari qatorida ishdan olingandi.
Ravshan Raimov 1976-yil Toshkent shahrida tug‘ilgan. Maʼlumoti — oliy. Mutaxassisligi — iqtisodchi. U faoliyati davomida Davlat soliq tizimida bir qator rahbarlik lavozimlarda, shuningdek, 2020—2023-yillarda Toshkent viloyati davlat soliq boshqarmasi boshlig‘i vazifasida ishlagan.
Tayinlovga qadar Toshkent shahar davlat soliq boshqarmasi boshlig‘i o‘rinbosari lavozimida ishlab kelayotgandi.
Izoh (0)