Bugun, 27-oktyabr kuni O‘zbekistonda Oliy Majlis Qonunchilik palatasi va mahalliy kengashlar deputatligiga saylov bo‘lib o‘tdi. Saylovda ko‘plab amaldorlar, jumladan, viloyat hokimlari ham faol qatnashib, o‘zi rahbarlik qilayotgan hudud aholisini ham faol bo‘lishga chorladi.
Sirdaryo viloyati hokimi Akmaljon Mahmudaliyev Guliston shahridagi Halima Xudoyberdiyeva nomidagi ijod maktabida joylashgan 15-saylov uchastkasiga borib, birinchilar qatorida ovoz berdi.
-D40I1IwK.jpg)
Samarqand viloyati hokimi Erkinjon Turdimov hamda Andijon viloyati hokimi Shuhratbek Abdurahmonovlar ham erta tongdan saylov uchastkalarida ko‘rinish berib, ovoz berdi.
Toshkent viloyati hokimi Zoir Mirzayev Nurafshon shahridagi 7-saylov uchastkasida fuqarolik huquqidan foydalanib, o‘zi munosib deb bilgan nomzodlarga ovoz berdi.
Saylovda ovoz berish, deputat saylash huquqi ko‘pchilik uchun balki kichkina huquqdir, lekin bu bepul ta’lim olish, bepul davolanish, pensiya olish kabi bir qator huquqlardan kam bo‘lmagan va o‘shalarning zaminini hal qilib beruvchi saylov, deydi viloyat hokimi “Daryo” jurnalistining savoliga javob berar ekan.
Surxondaryo viloyati hokimi Ulug‘bek Qosimov ham boshqa hokimlardan qolishmagan holda Termiz shahridagi 260-saylov uchastkasida ovoz berib, saylovda faollik ko‘rsatdi. Qashqadaryo viloyati hokimi Murodjon Azimov esa oila a’zolari bilan Qarshi shahridagi 4-saylov uchastkasida fuqarolik huquqidan foydalandi.
-lwUwwzWP.jpg)
Jizzax viloyati hokimi Ergash Soliyev ham deputatlik savlovida ishtirok etdi. Hokim Jizzax shahridagi 44-saylov uchastkasida ovoz berdi.
Namangan viloyati hokimi Shavkat Abdurazzoqov esa Yangi Namangan tumani, “Tinchlik” mahallasidagi 119-saylov uchastkasida saylovda ishtirok etdi.
Izoh (0)