Oltin quymalar narxi rekord darajada oshishi, Bojxona yig‘imlarining yangi stavkalari tasdiqlanishi, Toshkentdagi Riviera savdo markazida farrosh ayol lift shaxtasida vafot etishi — “Daryo” nashri bugun, 3-fevralda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda mahsulot va xizmatlarni “Halol” belgisi bilan tamg‘alashga ruxsat beriladi
Mahsulot va xizmatlarni “Halol” talablariga muvofiq sertifikatlashtirish tartibi tasdiqlandi.
Xorazmda transport boshqarmasi bosh mutaxassisi 80 ming dollar olayotganida ushlandi (video)
U tadbirkordan jami 135 ming dollar talab qilib, evaziga turar joy qurish uchun bo‘sh yer maydonini kadastr idoralaridagi tanishlari orqali uning nomiga o‘tkazib berishni va’da qilgan.
O‘zbekistonda oltin quymalar narxi rekord darajada oshdi
Bir gramm oltin narxi 1,2 million so‘mga yaqinlashdi.
O‘zbekistonda 2024-yilda kambag‘allik darajasi 8,9 foizga kamaydi
Eng ko‘p pasayish Buxoro, Samarqand, Namangan viloyatlarida qayd etilgan.
Toshkentda AQSHga borish istagidagi yana bir fuqaro firibgarlarga aldandi
U AQSHga yuborish va u yerda ish bilan ta’minlashlari evaziga 20 ming dollar bergan.
Samarqandda chinor kesgan shaxs tabiatga 115 mln so‘m zarar yetkazdi
Tegishli hujjatlar huquqni muhofaza qiluvchi organlarga taqdim etildi.
O‘zbekistonda 2025-yili 5,2 mln aholini band qilib, 1,5 mln odamni kambag‘allikdan chiqarish reja qilingan
Prezident aholi bandligini taʼminlash va investitsiyalar jalb qilish bo‘yicha amalga oshirilayotgan ishlar yuzasidan yig‘ilish o‘tkazdi.
Bojxona yig‘imlarining yangi stavkalari tasdiqlandi
Vazirlar Mahkamasining tegishli qarori qabul qilindi.
Endi O‘zbekiston davlat chegarasidan avtotransportda o‘tuvchilar avvaldan elektron navbat olib qo‘yishi mumkin bo‘ladi
Avtotransport vositasi navbatlarni boshqarish tizimida belgilangan vaqtda yetib kelmaganda, olingan elektron navbat o‘z kuchini yo‘qotadi.
AQSHning Franklin Templeton kompaniyasi O‘zbekiston Milliy investitsiya jamg‘armasi aktivlarini boshqaradi
Kompaniya jamg‘armaga o‘tishi kutilayotgan 18 ta davlat korxonasi va banki aksiyalaridan iborat investitsion portfelni boshqaradi.
Toshkentda hokim yordamchisi fuqarolarning 635 mln so‘m kredit pullarini o‘zlashtirgani aniqlandi
Mazkur holat yuzasidan jinoyat ishi qo‘zg‘atildi.
Toshkentdagi Riviera savdo markazida farrosh ayol lift shaxtasida vafot etdi
Holat yuzasidan tergovga qadar tekshiruv o‘tkazilmoqda.
Shavkat Mirziyoyev mamlakat mudofaa qobiliyatini mustahkamlash bo‘yicha topshiriq berdi
Prezident rahbarligida mamlakat mudofaa qobiliyatini mustahkamlash masalalari muhokamasiga bag‘ishlangan yig‘ilish bo‘lib o‘tdi.
Andijonda 13 yoshli qizga shilqimlik qilgan erkak 5 sutkaga qamaldi
Bu ishda vositachilik qilgan xotin esa jarimaga tortildi.
Toshkent—Andijon muqobil yo‘li loyihasi bo‘yicha xalqaro tender eʼlon qilindi
Prezident yirik transport infratuzilmasi loyihalari bo‘yicha hisobot bilan tanishdi.
Izoh (0)