Zoir Mirzayev 6-noyabr kuni Toshkent viloyati hokimi lavozimiga qayta tasdiqlandi. Bu haqda viloyat hokimligi matbuot xizmati xabar berdi.
Xalq deputatlari Toshkent viloyati kengashining yettinchi chaqiriq birinchi sessiyasida prezident tomonidan Toshkent viloyati hokimi lavozimiga Zoir Mirzayev nomzodi ko‘rsatilgani bildirildi va u Toshkent viloyati hokimi lavozimiga tasdiqlandi.
Deputat Sayyora Fayziyeva Xalq deputatlari Toshkent viloyati kengashi raisi etib saylandi.
Zoir Mirzayev Toshkent viloyatiga 2021-yilning noyabridan buyon rahbarlik qilib kelmoqda. Undan avval Qashqadaryo viloyatiga hokim bo‘lgan.
Bundan avval Erkinjon Turdimov Samarqand viloyati hokimi lavozimiga, Jo‘rabek Rahimov Xorazm viloyati hokimi lavozimiga, Normat Tursunov Navoiy viloyati hokimi lavozimiga, Ergash Soliyev Jizzax viloyati hokimi lavozimiga qayta tasdiqlangandi.
Izoh (0)