O‘zbekiston, Tojikiston va Qirg‘iziston 2031-yilgi Osiyo Kubogini birgalikda o‘tkazish bo‘yicha OFKga nomzodlik taklifini yubordi. Bu haqda O‘FA matbuot xizmati xabar berdi.
Osiyo futbol konfederatsiyasi 2031-yilda Osiyo qitʼasining eng nufuzli futbol turniri bo‘lgan Osiyo Kubogi mezbonligiga nomzodlarni ko‘rib chiqishni boshladi. O‘zbekiston, Tojikiston, Qirg‘iz Respublikasi futbol uyushmalari birgalikda Osiyo Kubogi mezbonligini yuqori saviyada o‘tkazishga ishonch bildirgan holda, o‘z qo‘shma nomzodini ilgari surji.
“Bugungi kunda qo‘shni mamlakatlar bilan birga O‘zbekiston ham nufuzli musobaqani qabul qilishga har tomonlama tayyor. Toshkent, Namangan, Farg‘ona, Qarshi kabi shaharlarda stadionlar xalqaro standartlarga mos ravishda tartibga keltirildi. Qo‘shimcha ravishda, oxirgi yillarda Osiyoning U-20, U-23 turnirlari, Futzal bo‘yicha Jahon chempionati mezbonligi ulkan tajriba vazifasini o‘tadi.
Markaziy Osiyo har doimgidek o‘zining mehmondo‘stligi, professional yondashuvi, futbolga fidoyiligi va albatta futbolsevar muxlislar mehri bilan butun Osiyo eʼtiborini qozonishga tayyor”, — deyiladi xabarda.
Izoh (0)