— “SSKA” seleksionerlari qaysi hududlarni kuzatishadi?
— Hamma joyni kuzatamiz — Urugvay, Braziliya, Chili, Meksika. Men Misrga borib, u yerdagi futbolchilarni kuzatib keldim. Marokashliklar va eronliklar ham qiziqishlarimiz doirasida. Har qanday joyda qobiliyatli yigitlar bo‘lishi mumkin.
Hozir o‘zbeklarda yaxshi avlod yetishib chiqdi. May oyida ular U-23 Osiyo Kubogi finalida Yaponiyaga qarshi o‘ynadi. Men o‘sha bahsni tomosha qilganman. Menga ikki-uch yigitning o‘yini yoqdi.
— O‘zbeklar haqida gapirdingiz. Fayzullayev qishda yoki keyingi yozda Yevropaning top-klubiga ketsa, hayron qolmaysizmi?
— Hayron bo‘lmasdim.
— Qanday darajadagi klubga?
—“Barselona”ga emas, lekin beshinchi yoki oltinchi o‘rindagi klubga.
— «Real Sosyedad»gami?
— Ha. Agar Abbos hozirgidek o'ynashda davom etsa, bir-ikki yildan keyin uni “SSKA”da ko‘rmaymiz”, — dedi hozirda “SSKA” klubida seleksioner-murabbiy bo'lib ishlayotgan sobiq yarim himoyachi Alan Zagoyev.
Ma’lumot uchun, Abbosbek Fayzullayev O‘zbekiston jamoasi bilan Olimpiada o‘yinlarida qatnashdi va guruhda 4-o‘rinni egallab, keyingi bosqichga chiqa olmadi.
Izoh (0)