U-20 Osiyo Kubogi. O‘zbekiston Eronga mag‘lub bo‘ldi

Shenchjenda U-20 Osiyo Kubogi 3-turidan o‘rin olgan bahslar o‘tkazilmoqda. 

Unda “C” guruhi doirasida O‘zbekiston terma jamoasi Eronga qarshi maydonga chiqdi. 

Uchrashuvdagi barcha gollar ikkinchi bo‘limda urildi. 52-daqiqada Yusef Marzayeh hisobni ochgan bo‘lsa, oradan 14 daqiqa o‘tib Ismoil Golizoda penaltidan hisobni ikkitaga oshirdi.

81-daqiqada Asilbek Jumayevning uzatmasidan so‘ng Muhammadali O‘rinboyev to‘pni darvozaga kiritdi va hisobni tenglashtirdi. 

Shunday qilib, O‘zbekiston terma jamoasi 3 ta turda 6 ochko yig‘ib, guruhda 2-o‘rinni egalladi va chorak finalga yo‘l oldi. 

Ushbu bosqichda O‘zbekiston “D” guruhida yetakchilik qilayotgan Janubiy Koreya yoki Yaponiya yoshlari bilan o‘ynashi mumkin. Ushbu guruhda koreyaliklar 2-turdan so‘ng 6 ochkoga, yaponiyaliklar esa 4 ochkoga ega bo‘lib turibdi.

U-20 Osiyo Kubogi

“C” guruhi. 3-tur

O‘zbekiston – Eron 1:2

Gollar: 0:1 — 52, Yusef Marzayeh, 0:2 – 66, Ismoil Golizoda, 1:2 – 81, Muhammadali O‘rinboyev

O‘zbekiston: 12.Muhammadyusuf Sobirov, 2.Saidxon Hamidov, 4.G‘iyosjon Rizaqulom ( 3. Muhammadali Zohidov,57) , 5.Azizbek To‘lqinbekov (16. Muhammadali Reimov,69) 6.Ravshan Hayrullayev (s), 7.Daler Tuxsanov, 9.Saidumarxon Saidnurullayev (, 10. Muhammadali O‘rinboyev, 69), 13.Behruz Jumatov, 17.Ollabergan Karimov (22. Asilbek Jumayev,57) 19.Rustambek Fomin (15. Lazizbek Mirzayev, 69) 23.Abdug‘afur Haydarov.

Zaxira: 1. Maksim Murkayev, 8. Amirbek Saidov11. Murodjon Komilov, 14. Ozodbek Qurbonov, 18. Narimonjon Ahmadjonov, 20. Dilshod Abdullayev, 21. Samandar Muratbayev, 

Eron: 1. Arsha Shakouri, 2. Nima Andarz, 3. Hesam Nafari, 4. Alireza Homayeisfard, 6. Samir Habobati (17. Mohammad Dindar,46), 7. Ismoil Golizoda, 8. Amirmohammad Razaginia, 13. Ali Hassani, 14. Abbas Harizi (15. Mobin Denghan, 55), 20. Yuusef Marzayeh, 21. Abolfazl Moredi

Zaxira: 5. Erfan Darvish, 9. Yaghoob Barajeh, 10. Reza Gandi Pur, 11. Mahan Sadegi, 12. Armin Abbasi, 16. Abolfazl Zamani,  18. Abolfazl Zolehayei, 19. Purya Shahrabadi, 22. Mohammad Gandomi.

Ogohlantirishlar: Ali Hassani (Eron) 50, Arsha Shakouri (Eron) 83