Malayziyada joylashgan “Shoh Alam” futbol stadioni portlovchi moddalar yordamida buzib tashlandi.
Portlash videosi X ijtimoiy tarmog‘iga joylandi. 80 ming tomoshabinga mo‘ljallangan arena 1994-yilda qurilgan. Ko‘plab rekonstruksiya ishlariga qaramay, 2020-yilda stadion avariya holatida deb topilgan.
Arenani buzish iyul oyida boshlangan edi. To‘liq demontaj ishlari 2025-yilning o‘rtalariga qadar davom etishi kutilmoqda.
“Shoh Alam” stadionida “Selangor” futbol klubi va Malayziya terma jamoasi o‘z o‘yinlarini o‘tkazadi. Maydonda 1997-yilgi Yoshlar o‘rtasidagi Jahon chempionati va 2007-yilgi Osiyo Kubogi o‘yinlari o‘tkazilgan.
Izoh (0)