Futbol bo‘yicha Tojikiston o‘smirlar terma jamoasi yarim himoyachisi Muhammad Nazriyev terma jamoalarning bir o‘yinida gol urish bo‘yicha jahon rekordini o‘rnatdi.
Tojikistonning 17 yoshgacha bo‘lgan o‘smirlar terma jamoasi Osiyo Kubogi–2025 saralash turniri doirasidagi o‘z uyida guamlik tengdoshlarini 33:0 hisobida mag‘lub etdi. 16 yoshli Nazriyev 14 ta gol urdi. Bu Xalqaro futbol federatsiyasi (FIFA) shafeligidagi terma jamoalar o‘yinlarida bitta futbolchi uchun rekord ko‘rsatkich hisoblanadi. Uchrashuvda yana 6 ta golga Nazrullo Ashuralizoda mualliflik qilgan bo‘lsa, Umed Jafoyev xet-trik qayd etdi. Xaydarshoh Xudoydodov, Parviz Bobonazarov va Asadbek Maxtumov ikkitadan gol urdi.
Avvalgi rekord 2001-yilda avstraliyalik Archi Tompson tomonidan qayd etilgan bo‘lib, u Samoa darvozasiga 13 ta gol urgan (33:0) edi.
Ma’lumot uchun, Tojikiston terma jamoasi uchta o‘yinda 9 ochko jamg‘argan holda J guruhida birinchi o‘rinni egalladi.
E guruhida saralash o‘yinlarida qatnashgan O‘zbekiston yoshlari ham 9 ochko bilan birinchi o‘rinni egallab, 2025-yili Saudiya Arabistonida bo‘ladigan final bosqichiga yo‘l oldi.
Izoh (0)