Ko‘pchilik sevimli filmlardagi mashhur liboslar dizaynerlarning ko‘p soatlik mehnati natijasi deb o‘ylaydi. Ammo har doim ham bunday bo‘lavermaydi. Ba’zan esa ular shunchaki qo‘l ostidagi narsalardan foydalanishgan.
“Sohibjamol” filmidagi Vivianning qizil kurtkasi
Juliya Robertsning jozibasi, uslubi va o‘sha samimiy tabassumi “Sohibjamol” filmi haqiqiy klassikaga aylantirdi. Qahramonning har bir libosi yodda qolarli, ammo yorqin qizil kurtka haqida ko‘pchilik bilmaydigan o‘z hikoyasi bor.
Bu afsonaviy buyumni hech kim oldindan tayyorlamagan - uni suratga olish maydonchasida tasodifan o‘tib ketayotgan odamdan sotib olishgan. Mana shunday kutilmagan hodisa oddiy narsani ramziy timsolga aylantirdi.
“Taxtlar o‘yini” serialidagi Tungi soqchilar plashlari
“Taxtlar o‘yini” - har bir libos unsuri o‘z hikoyasini so‘zlaydigan epopeyadir. Ammo ko‘pchilik Tungi soqchilarning mashhur pelerinlari aslida IKEA gilamchalari ekanligini bilmaydi. Liboslar bo‘yicha dizaynerlar jamoasi ularni mohirlik bilan qayta ishlagan: kesib, qirqib, bo‘yab va o‘rta asrlarning qattiq yopinchiqlariga aylantirish uchun charm kamarlar bilan bezatgan.
Bu usul nafaqat byudjetni tejadi, balki obrazlarga o‘ziga xos to‘qima va haqiqiylik baxsh etdi. IKEA hatto shunday yopinchiqni uyda qanday tayyorlash bo‘yicha qo‘llanma ham chiqardi - endi har kim o‘zini Tungi soqchi a’zosidek his qilishi mumkin.
“Betman qaytmoqda” filmidagi Mushuk ayol kostumi
“Betmen qaytmoqda” filmidagi Mushuk ayol kostyumi oddiy lateks emas, balki kino sehrining haqiqiy texnik mo‘jizasidir. Bu mashhur libosni iloji boricha yaltiroq va egiluvchan qilish uchun kostyumerlar har bir kadrda Mishel Pfayfferga suyuq silikon surtishgan. Aktrisa avval “ikkinchi teri qatlami”ni kiyish uchun badaniga talk sepgan, keyin esa har bir sahna o‘ziga xos go‘zallik muolajasiga aylanib, unga gel surtilgan.
Izoh (0)