OpenAI kompaniyasining ChatGPT mobil ilovasi 2023-yil may oyida ishga tushirilganidan beri yaratuvchilarga 2 milliard dollar — har bir o‘rnatishdan o‘rtacha 2,91 dollar daromad keltirdi. Bu haqda TechCrunch portali xabar bermoqda.
Asosiy o‘sish 2025-yilga to‘g‘ri kelgan. Dastlabki yetti oyda daromad 1,35 milliard dollarni tashkil etib, bu 2024-yilning shu davriga nisbatan 673 foizga yuqori bo‘lgan. Taqqoslash uchun, raqobatchilar - Claude, Copilot va Grok - ning umumiy daromadlari taxminan 30 baravar kam.
Appfigures ma’lumotlariga ko‘ra, ChatGPT oyiga taxminan 193 million dollar daromad keltiradi, xAI kompaniyasining eng yaqin raqobatchisi Grok esa 3,6 million dollar daromad keltiradi, bu ChatGPT ko‘rsatkichlarining atigi 1,9 foizini tashkil etadi. Bir o‘rnatish uchun hisoblaganda, ChatGPT’ning o‘rtacha daromadi 2,9 dollardan oshadi, Grok’da 0,75 dollar va OpenAI til modellari asosida ishlaydigan Copilot’da 0,28 dollarni tashkil etadi.
Ilova uchun asosiy bozorlar AQSH (daromadning 38 foizi) va Germaniya (5,3 foiz) bo‘ldi, eng ko‘p o‘rnatishlar esa Hindistonga (13,7 foiz) to‘g‘ri keldi. Aftidan, u yerda ko‘pchilik bepul tarifdan foydalanadi. ChatGPT’ni o‘rnatishlarning umumiy soni 690 millionga yetdi, Grok’da esa bu ko‘rsatkich 39,5 millionni tashkil etadi.
Bundan avval Meta, Apple, Google va boshqa elektron xizmatlar ko‘rsatuvchi xorijiy kompaniyalar O‘zbekistonda 78,2 mlrd so‘m soliq to‘lagani xabar qilingandi. Unga ko‘ra, OpenAI kompaniyasi 2,9 mlrd so‘m soliq to‘lagan.
Izoh (0)