Nodirbek Abdusattorov va Javohir Sindorov Freestyle Chess Grand Slam turniridagi ishtirokini yakunladi.
Germaniyaning Vayssenxaus shahrida o‘tkazilayotgan sovrin jamg‘armasi 750 ming dollarni tashkil etuvchi shaxmat bo‘yicha turnir yakunlanmoqda.
Nodirbek Abdusattorov 5-o‘rin uchun kechgan har ikkala bahsda amerikalik Hikaru Nakamuraga yutqazib qo‘ydi. Hikaru Nakamura 50 ming dollar miqdoridagi mukofot puliga ham ega bo‘ldi. O‘n ishtirokchi orasida 6-pog‘onadan joy olgan Abdusattorov esa 40 ming dollarga ega bo‘ldi.
Javohir Sindorov esa norvegiyalik afsona Magnus Karlsenga ikkinchi uchrashuvda ham imkoniyatni boy berdi. Shu tariqa, Sindorov Freestyle Chess Grand Slam turniridagi ishtirokini 4-o‘rinda yakunladi.
U 60 ming dollar miqdoridagi mukofot pulini qo‘lga kiritdi. Magnus Karlsen esa 3-o‘rin bilan birga 100 ming dollarga ega bo‘ldi.
Izoh (0)