Reytingda Nodirbek Abdusattorov (2766) 6-o‘rinda qayd etildi. U avvalgi oyda ham shu o‘rinda qayd etilgan edi. Bu oyda uning reyting ochkolari 2 ochkoga (avvalgi oyda 2768) kamaygan.
Bundan tashqari, Javohir Sindorov 31-o‘ringa ko‘tarildi. U avvalgi oyda 37-o‘rinda edi. Sindorov reyting ochkolarini 2700 ga yetkazdi. Eng kuchli shaxmatchilar reytingida Rustam Qosimjonov (2681) ham o‘rin olgan. Tajribali shaxmatchi 46-o‘rinda joylashgan. 2670 reyting ochkosiga ega shaxmatchi Shamsiddin Vohidov 52-o‘rindan joy oldi. Avvalgi oyda 67-o‘rinda qayd etilgan Nodirbek Yakubboyev (2659) bu oyda 66-o‘ringa tushib ketdi.
Bir necha oy yoshlar o‘rtasidagi reytingda yetakchilik qilgan Nodirbek Abdusattorov bu yil 21 yoshga to‘lishi munosabati bilan ushbu reytingdan chiqarilgan edi. Kuchli uchlikdan o‘zbekistonlik Javohir Sindorov olgan. Yana bir o‘zbekistonlik shaxmatchi Muxriddin Madaminov 32-o‘rinda joylashgan. Muhammadzoxid Suyarov esa 68-o‘rinni egallagan.
Kecha, 2-fevral kuni Niderlandiyaning Veyk-an-Zee shahri mezbonlik qilgan shaxmat bo‘yicha an’anaviy Tata Steel Chess—2025 musobaqasi yakunlandi. Unda Nodirbek Abdusattorov 3-o‘rinni egalladi. Challenger turnirida qatnashgan Yakubboyev 4-o‘rinda qayd etildi.
Ma’lumot uchun, Nyu-Yorkda rapid va blits bo‘yicha Jahon chempionati o‘tkazildi. Rapid yo‘nalishida 18 yoshli Volodar Murzin (2588) eng tajribali raqiblarini ortda qoldirib, jahon chempioniga aylandi. Javohir Sindorov 6-o‘rinni egalladi. Nodirbek Abdusattorov kuchli 30 likdan o‘rin oldi.
Blits bo‘yicha musobaqada o‘zbekistonlik sportchilar pley-off chiqa olmay musobaqani erta yakunlagandi.
Izoh (0)