AQSH terma jamoasi tarkibida dona surgan grossmeyster Gulruhbegim Tohirjonova O’zbekiston terma jamoasiga qaytdi.
Olib borilgan muzokaralar natijasida Gulruhbegim yana O‘zbekiston bayrog‘i ostida musobaqalarda ishtirok etishga rozilik bergan.
Jurnalistlar bilan bo‘lib o‘tgan matbuot anjumanida shaxmatchi qaytish sababini ma’lum qildi.
“Gap pulda yoki va’dalarda emas, men doim vatanimiz bayrog‘i ostida qatnashishni xohlaganman. Lekin orada shunday davr bo‘ldiki, ketishga majbur bo‘ldim. Agar men O‘zbekistonda muhit o‘zgarganini, shaxmat Federatsiyasida sportchilarga e’tibor paydo bo‘lganini his qilmaganimda qaytmas edim”, dedi Gulruhbegim.
Ma’lumot uchun, Gulruhbegim Tohirjonova shu paytgacha AQSH terma jamoasining 1-raqamli shaxmatchisi edi. 2023-yilda u AQSHda “yilning eng yaxshi ayol shaxmatchisi” deya e’tirof etilgan.
Avvalgi musobaqalar davomida AQSH va O‘zbekiston jamoalari duch keldi, ammo Gulruhbegim o‘zbekistonlik shaxmatchilarga qarshi dona surmadi.
Izoh (0)