Vayssenxaus shahrida shaxmat bo‘yicha mukofot jamg‘armasi 750 ming dollar bo‘lgan nufuzli turnir bo‘lib o‘tmoqda.
Unda Javohir Sindorov amerikalik Hikaru Nakamuraga qarshi tay-brekning hal qiluvchi ikkinchi partiyasini o‘tkazdi.
1/4 finalning asosiy ikki uchrashuvida durang natija qayd etilgandi. Tay-brekning birinchi uchrashuvida qora donalarda o‘ynaganiga qaramay, Sindorov g‘alaba qozondi. Ikkinchi partiyani oq donalarda o‘tkazgan Javohir yana g‘alaba qozondi.
Shu tariqa amerikalik nomdor grossmeyster Hikaru Nakamurani murakkab kechgan qarama-qarshilikda mag‘lubiyatga uchratgan Javohir Sindorov mukofot jamg‘armasi 750 ming dollarni tashkil etuvchi Freestyle Chess Grand Slam turnirining 1/2 finaliga yo‘l oldi.
Shuningdek, yana bir chorak final o‘yinida Magnus Karlsen Nodirbek Abdusattorovni mag‘lub etdi.
Sindorov endi 1/2 finalda boshqa bir amerikalik grossmeyster Fabiano Karuanaga qarshi bahs olib boradi. Nakamura esa 1/4 finalda Nodirbek Abdusattorov singari 5-o‘rin uchun kurashni davom ettiradi.
Izoh (0)