Jahon shaxmat federatsiyasi oktyabr oyi yakunlangach, o‘z reytingini yangiladi. Ushbu yangilangan jahon reytingida kuchli 100 likdan 5 nafar o‘zbekistonlik grossmeyster o‘rin oldi.
Reytingda Nodirbek Abdusattorov (2777) 6-o‘rinda qayd etildi. U avvalgi oyda ham shu o‘rinda qayd etilgan edi, ammo bu safar u reyting ochkolarini 6 ochkoga kamaygan.
Bundan tashqari, eng kuchli shaxmatchilar reytingida Rustam Qosimjonov (2685) ham o‘rin olgan. Tajribali shaxmatchi — 44-o‘rinda. Javohir Sindorov (2682) avvalgi oyda 56-o‘rinda qayd etilgan edi, bu oyda u 46-o‘rin ko‘tarildi. 2681 reyting ochkosiga ega shaxmatchi Shamsiddin Vohidov 48-o‘ringa ko‘tarildi. Avvalgi oyda kuchli 75-o‘rinda qayd etilgan Nodirbek Yakubboyev (2668) bu oyda 62-o‘rinda qayd etildi. Nodirbek Abdusattorovdan tashqari barcha o‘zbek shaxmatchilari o‘z hisoblariga qimmatli reyting ochkolarini yozib qo‘ydi.
Sentyabr oyida Nodirbek yoshlar o‘rtasidagi rasmiy reytingda birinchi o‘rinda qayd etilgan edi. Oktyabr oyi uchun e’lon qilingan reytingda u o‘rnini Hindistonlik Gukeshga bo‘shatib berdi va hanuz o‘sha o‘rinda joylashgan. Gukesh 2783 reyting ochkosi bilan yoshlar o‘rtasida yetakchilik qilmoqda. Yana bir shaxmatchi Javohir Sindorov 5-o‘rinni egallab turibdi.
Ma’lumot uchun, Londonda shaxmat bo‘yicha WR Chess Masters musobaqasi bo‘lib o‘tdi. Dastlabki bosqichda Aleksandra Kostenyuk bilan o‘yinda g‘alaba qozongan Nodirbek Abdusattorov chorak finalda fransiyalik Maksim Vashe-Lagrav bilan bahsda mag’lub bo‘lib musobaqani erta yakunladi.
Izoh (0)