AQSH prezidenti Donald Tramp Hukumat samaradorligi departamenti (DOGE) rahbari Ilon Maskka mamlakat Mudofaa vazirligi xarajatlarini auditdan o‘tkazishni topshirdi.
Men unga yaqin kunlarda Ta’lim vazirligini tekshirib ko‘rishni topshiraman. Shundan so‘ng armiyaga o‘tamiz. Qani, armiyani tekshirib ko‘raylik-chi. Biz milliardlab, hatto yuz milliardlab dollarlik firibgarlik va suiiste’molchiliklar borligini aniqlaymiz. Odamlar meni aynan shu maqsadda saylashgan, dedi prezident Fox News telekanaliga bergan intervyusida.
Mask avvalroq Pentagonni eskirgan qurollarni sotib olgani uchun tanqid qilgan edi.
Hozirgi strategiya kechagi urushni olib borish uchun yuqori narxda kam miqdordagi qurollarni yaratishdan iborat, deb yozdi DOGE rahbari o‘zining ijtimoiy tarmog‘ida.
AQSH yetakchisi ham mamlakatning harbiy xarajatlarini qisqartirishini ma’lum qilgandi.
Shtatlar “samarasiz va potensial noqonuniy xarajatlar tufayli trillionlab dollar yo‘qotmoqda, mamlakat davlat tuzilmalaridagi korrupsiya ko‘lami esa ulkan, deydi Tramp.
Ma’lum bo‘lishicha, Kongressga byudjet loyihasi kiritilgan, unda raketaga qarshi mudofaa uchun ajratilgan mablag‘larni 9,3 milliard dollarga qisqartirish ko‘zda tutilgan.
Tramp ma’muriyati, shuningdek, Ukraina Korrupsiyaga qarshi kurash markazi faoliyatini tekshirishni rejalashtirmoqda.
Huquqiy nashrning yozishicha, Markaziy ijroiya qo‘mitasi orqali “AQSH Demokratik partiyasining sobiq amerikalik amaldorlari sud va huquqni muhofaza qilish tizimiga ta’sir o‘tkazib, Ukraina Oliy adliya kengashi va Sudyalar oliy malaka komissiyasi ustidan nazorat o‘rnatgan”.
Avvalroq The Washington Post nashri DOGE xodimlari millionlab davlat xizmatchilarining maxfiy ma’lumotlariga kirish huquqiga ega bo‘lgani haqida yozgan edi.
Nashrning ta’kidlashicha, gap AQSH kadrlar xizmati boshqarmasidan olingan ma’lumotlar haqida ketmoqda, ular manzillar, ish haqi, ijtimoiy sug‘urta raqamlari, turli idora xodimlarining ismlari haqidagi maxfiy ma’lumotlarni o‘z ichiga oladi.
Davlat boshqaruvi samaradorligi departamenti agentlari xavfsizlik sohasida muhim lavozimlarni egallagan millionlab davlat xizmatchilari, jumladan, g‘aznachilik va davlat departamenti amaldorlari haqidagi qat’iy cheklangan hukumat yozuvlariga kirish imkoniyatiga ega bo‘ldi, deydi ma’lumotlardan xabardor bo‘lgan to‘rt nafar ismi oshkor etilmagan amerikalik amaldor.
Ularning ta’kidlashicha, departament xodimlari ma’lumotlarga kirishning shunday darajasiga egaki, bu idora xodimlari haqidagi ma’lumotlarni nusxalash yoki o‘zgartirish imkonini beradi. Nashr bilan suhbatda kadrlar xizmati boshqarmasining ismi oshkor etilmagan ikki amaldori AQSH prezidenti Donald Trampning inauguratsiyasi kuni Davlat boshqaruvi samaradorligi departamentining kamida olti nafar xodimi barcha kadrlar boshqaruv tizimlaridan keng foydalanish imkoniyatiga ega bo‘lgan.
Izoh (0)