АҚШ президенти Дональд Трамп Ҳукумат самарадорлиги департаменти (DOGE) раҳбари Илон Маскка мамлакат Мудофаа вазирлиги харажатларини аудитдан ўтказишни топширди.
Мен унга яқин кунларда Таълим вазирлигини текшириб кўришни топшираман. Шундан сўнг армияга ўтамиз. Қани, армияни текшириб кўрайлик-чи. Биз миллиардлаб, ҳатто юз миллиардлаб долларлик фирибгарлик ва суиистеъмолчиликлар борлигини аниқлаймиз. Одамлар мени айнан шу мақсадда сайлашган, деди президент Fox News телеканалига берган интервьюсида.
Маск аввалроқ Пентагонни эскирган қуролларни сотиб олгани учун танқид қилган эди.
Ҳозирги стратегия кечаги урушни олиб бориш учун юқори нархда кам миқдордаги қуролларни яратишдан иборат, деб ёзди DOGЕ раҳбари ўзининг ижтимоий тармоғида.
АҚШ етакчиси ҳам мамлакатнинг ҳарбий харажатларини қисқартиришини маълум қилганди.
Штатлар “самарасиз ва потенциал ноқонуний харажатлар туфайли триллионлаб доллар йўқотмоқда, мамлакат давлат тузилмаларидаги коррупция кўлами эса улкан, дейди Трамп.
Маълум бўлишича, Конгрессга бюджет лойиҳаси киритилган, унда ракетага қарши мудофаа учун ажратилган маблағларни 9,3 миллиард долларга қисқартириш кўзда тутилган.
Трамп маъмурияти, шунингдек, Украина Коррупцияга қарши кураш маркази фаолиятини текширишни режалаштирмоқда.
Ҳуқуқий нашрнинг ёзишича, Марказий ижроия қўмитаси орқали “АҚШ Демократик партиясининг собиқ америкалик амалдорлари суд ва ҳуқуқни муҳофаза қилиш тизимига таъсир ўтказиб, Украина Олий адлия кенгаши ва Судьялар олий малака комиссияси устидан назорат ўрнатган”.
Аввалроқ The Washington Post нашри DOGЕ ходимлари миллионлаб давлат хизматчиларининг махфий маълумотларига кириш ҳуқуқига эга бўлгани ҳақида ёзган эди.
Нашрнинг таъкидлашича, гап АҚШ кадрлар хизмати бошқармасидан олинган маълумотлар ҳақида кетмоқда, улар манзиллар, иш ҳақи, ижтимоий суғурта рақамлари, турли идора ходимларининг исмлари ҳақидаги махфий маълумотларни ўз ичига олади.
Давлат бошқаруви самарадорлиги департаменти агентлари хавфсизлик соҳасида муҳим лавозимларни эгаллаган миллионлаб давлат хизматчилари, жумладан, ғазначилик ва давлат департаменти амалдорлари ҳақидаги қатъий чекланган ҳукумат ёзувларига кириш имкониятига эга бўлди, дейди маълумотлардан хабардор бўлган тўрт нафар исми ошкор этилмаган америкалик амалдор.
Уларнинг таъкидлашича, департамент ходимлари маълумотларга киришнинг шундай даражасига эгаки, бу идора ходимлари ҳақидаги маълумотларни нусхалаш ёки ўзгартириш имконини беради. Нашр билан суҳбатда кадрлар хизмати бошқармасининг исми ошкор этилмаган икки амалдори АҚШ президенти Дональд Трампнинг инаугурацияси куни Давлат бошқаруви самарадорлиги департаментининг камида олти нафар ходими барча кадрлар бошқарув тизимларидан кенг фойдаланиш имкониятига эга бўлган.
Изоҳ (0)