“Inter Mayami” hamda Argentina terma jamoasi hujumchisi Lionel Messi Jahon chempionati—2026 da ishtirok etishi mumkinligi haqidagi savolga javob berdi.
“Jahon chempionati—2026? Bilmadim. Menga bu savolni ko‘p marta berishgan, ayniqsa Argentinada. Lekin men bu yilni muvaffaqiyatli yakunlamoqchiman. Umid qilamanki, yangi mavsumda mavsumoldi tayyorgarlikni yaxshi o‘tkazaman, o‘tgan safar buni uddalay olmaganman. Keyin ishlar qanday ketishini ko‘ramiz”, deya Messining so‘zlarini keltiradi ESPN 433 nashriga tayanib.
Ma’lumot uchun, Messi 2023-yildan beri Mayamining “Inter” klubida to‘p suradi. Futbolchining klub bilan shartnomasi 2025-yilgacha mo‘ljallangan. Avvalroq argentinalik forvard “PSJ” va “Barselona” klubida to‘p surgan.
Izoh (0)