Bugun, 20-noyabr kuni Argentina terma jamoasi futbol bo‘yicha 2026-yilgi Jahon chempionatiga saralash bosqichi doirasida Peru terma jamoasini qabul qildi. Uchrashuvda argentinaliklar yagona gol hisobiga g‘alaba qozondi.
Uchrashuvning 55-daqiqasida hujumchi Lautaro Martines jamoa sardori Lionel Messining uzatmasidan so‘ng hisobni ochdi. MLS matbuot xizmati xabariga ko‘ra, Messi terma jamoalardagi golli uzatmalar soni bo‘yicha tarixiy rekordni takrorladi. Hozirda Messining hisobida 58 ta samarali uzatma bor. AQSH terma jamoasi tarkibida Lendon Donovan xuddi shuncha golli uzatmani amalga oshirgan.
Ma’lumot uchun, Messi 2023-yil yozida Fransiyaning “PSJ” klubidan erkin agent sifatida “Inter Mayami”ga ko‘chib o‘tgan edi. Bu vaqt ichida argentinalik futbolchi klub safida 39 ta o‘yin o‘tkazib, 34 ta gol va 19 ta golli uzatmani amalga oshirgan.
Izoh (0)