Argentina terma jamoasi hujumchisi Lionel Messi Jahon Chempionati—2026 saralashining 9-turidan o‘rin olgan Venesuela—Argentina qarama-qarshiligi (1:1) haqida gapirdi.
“Bu jirkanch o‘yin bo‘ldi. Ketma-ket ikkita uzatmani ham amalga oshira olmadik, to‘p maydondagi suv tufayli to‘xtab qoldi. Bunday sharoitda o‘ynash qiyin, maydon talabga javob bermaydi”, dedi Messi o‘yindan so‘ng.
Ma’lumot uchun, Venesuela—Argentina o‘yini maydonning holati sabab yarim soatga kechiktirildi.
Uchrashuvning 13-daqiqasida mehmonlar hisobni ochdi. 65-daqiqada Rondon hisobni tenglashtirdi.
Argentina to‘qqizta o‘yindan so‘ng 19 ochko jamg‘argan va KONMEBOL Jahon chempionati saralash jadvalida peshqadamlik qilmoqda. Venesuela 11 ochko jamg‘arib, oltinchi o‘ringa ko‘tarilib oldi.
Izoh (0)