“Inter Mayami” hujumchisi Lionel Messi 2025-yilga qadar mo‘ljallangan shartnomasi tugagunga qadar Amerika jamoasida qolishi kutilmoqda. Bu haqda amerikalik insayderlarga tayanib talkSPORT xabar bermoqda.
Manbaga ko‘ra, “Inter Mayami” joriy mavsumda “Atlanta Yunayted” bilan o‘yinlardan so‘ng MLS pley-off bosqichini tark etganiga qaramay, Messi bu klubda muvaffaqiyatli loyiha davom etayotganini ko‘rmoqda va faoliyati yakunida barcha turnirlarda g‘olib chiqishni istamoqda. Bundan tashqari, yulduz futbolchi va uning oilasi Mayamidagi hayotidan mamnun. Argentinalik oila Parijdagi kabi qo‘shnilari bilan muammolarga duch kelmagan.
Qayd etilishicha, Messi 2026-yilning yoziga qadar kerakli o‘yin amaliyotini qo‘lga kiritish uchun “Inter Mayami” bilan shartnomasini uzaytirish imkoniyatini ko‘rib chiqmoqda, chunki u Argentina terma jamoasi bilan uch mamlakatda bo‘lib o‘tadigan jahon chempionatida o‘ynash niyatida. Ma’lumot uchun, Jahon chempionati AQSH, Kanada va Meksika davlatlarida o‘tkaziladi.
Eslatib o‘tamiz, Messi 2023-yil yozida Fransiyaning “PSJ” klubidan erkin agent sifatida “Inter Mayami”ga o‘tgan edi. Bu vaqt ichida argentinalik futbolchi klub safida 39 ta o‘yin o‘tkazib, 34 ta gol va 19 ta golli uzatmani amalga oshirgan. Mayamining “Inter” jamoasi tarkibida Messi Liga kubogini qo‘lga kiritdi va MLS muntazam mavsumi g‘olibi sifatida “Muxlislar qalqoni” kubogini qo‘lga kiritdi.
Izoh (0)